نكت مغربية.....لن تجد مثلها

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات




هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش


هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي


أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟
قال ليه التلميد: تساوي الحرب






هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي



واحد المعلم سول التلاميد: أشنو المعنى ديال كلمة سبيل و أشنو المعنى ديال كلمة سلسبيل
جوابه واحد التلميد: سبيل هو طريق و سلسبيل هو طرطريق







اتمنى ان تعجبكم

هههههههههههههههههههههه